‘मनोगतम् [०२.१५]
‘मनकीबात’प्रसारण-तिथि: ३०–अगस्त-मासः, २०२०
[भाषान्तरं – डॉ.श्रुतिकान्तपाण्डेयेन सम्भूय बलदेवानन्द-सागर-द्वारा]
मम प्रियाः देशवासिनः, नमस्कारः | सामान्यतया कालोऽयम् उत्सवस्य भवति, नैकत्र मेलकानि आयोज्यन्ते, धार्मिक-पूजापाठाः विधीयन्ते | कोरोना-संकट-कालेsस्मिन् जनेषु उल्लासस्तु अस्ति, उत्साहः अपि वर्तते, किञ्च, अस्माकं मनान्सि संस्पृशेत्, तादृशम् अनुशासनम् अप्यस्ति | सुबहु एकरूपेण पश्याम, चेत् नागरिकेषु दायित्वस्य अनुभूतिः अपि अस्ति | जनाः स्वीयावधानं सन्धारयन्तः, अपरेषाम् अवधानं